.png)
Në një kohë që vendi po regjistron gjithnjë e më shumë viktima si pasojë e koronavirusit, Spanja po përballet me një grevë të pazakontë. Agjencitë funerale ndalën punën duke kërkuar shtim stafi për të përballuar fluksin.
Sindikatat e punonjësve thanë se nevojiten më shumë punonjës për të shmangur skenat e regjistruara gjatë valës së parë të pandemisë, në Pranverë, kur varrosja e viktimave të Covid-19 kryhej me vonesë.
Greva u njoftua gjatë “Ditës së të gjithë Shenjtorëve”, kur zakonisht qytetarët vizitojnë varrezat e të dashurve të tyre. Një agjenci funerali në Madrid i tha AFP-së se kishte nevojë për 15 deri në 20 punonjës më shumë për t’u përballur me rritjen e numrit të vdekjeve. Ditën e premte, Spanja njoftoi 239 vdekje si pasojë e Covid-19.
Spanja u përfshi në një situatë të pazakontë dhe që shtonte përmasat e tragjedisë në muajin mars, kur viktimat e Covid-19 varroseshin deri në një javë më vonë. Autoritetet u detyruan që të aktivizonin krematoriumit, pra djegien e trupave në qytetet e mëdha për shkak se agjencitë funebre e kishin të pamundur të përballeshin me fluksin e punës.
Që prej fillimit të pandemisë e deri më tani, Spanja ka regjistruar më shumë se 1.1 milionë të infektuar dhe rreth 36 mijë viktima.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje