.png)
Për të gjitha akuzat drejtuar tij lidhur me rolin që ai ka pasur në hetimin e UÇK, apo edhe për një deklaratë të fundit të kreut të grupit parlamentar të PS-së, Taulant Balla se, ka fshehur një kasetë filmike nga masakra e Krushës së Madhe, kryetari i opozitës, Lulzim Basha vendosi të japë një përgjigje përmes një video-mesazhi.
“Në vend që të luftosh kovidin, në vend që të marrësh masa për të shpëtuar ekonominë, në vend që të ndihmosh qytetarët – ti po përhap gënjeshtra monstruoze kundër meje.
Harxhon gjithë kohën për të përhapur gënjeshtra në vend që të shpëtosh jetën e qytetarëve shqiptarë dhe ekonominë tonë.
Si nuk ke turp? Edhe për nivelin tënd të ulët, kjo është e papranueshme”, i drejtohet Basha, Ramës.
Nuk mungojnë as notat e patetizmit, se ai e ka vënë jetën e tij në shërbim të vendit; “Për Shqipërinë. Për shqiptarët. Për pavarësinë e Kosovës”.
“Ti nuk më bën dot moral mua për patriotizëm. Ti nuk më mëson dot mua çfarë është besnikëria ndaj Shqipërisë.
Edhe sot me gënjeshtrat, mashtrimet dhe veprimet e tua ti dëmton Shqipërinë, Kosovën dhe interesat kombëtare.
Po ta them qartë dhe prerë, të gjitha akuzat e tua janë shpifje dhe mashtrime për të larguar vëmendjen nga skandalet dhe dështimet e tua që po i paguajmë me jetë njerëzish.
Për të gjitha këto po vjen dita të japësh llogari para drejtësisë”, tha Basha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje