.png)
Partizani dhe Teuta kanë ndarë nga një pikë në “Elbasan Arena”, pas një barazimi të thatë, 0-0. Është një rezultat që nuk i leverdis asnjërës prej dy skuadrave për objektivat që kanë, por ato e kanë pasur të pamundur për të gjetur rrugën e rrjetës.
Partizani iu afrua golit me sulmuesin Solomon, gjuajtja e të cilit u ndal në traversë, ndërsa mundësinë më të mirë për të dalë me fitore nga kjo ndeshje transferte e pati Teuta, 6 minuta para fundit. Durrsakët fituan një penallti pas pengimit të Bregut në zonë, por portieri Alban Hoxha priti shumë bukur gjuajtjen e Emiljano Vilës.
Pas këtij barazimi, i dyti radhazi pa gola pas derbit, Partizani është i treti në renditje me 12 pikë. Para tij janë Vllaznia me 16 pikë dhe Kukësi me 13 pikë. Për Teutën ishte barazimi i gjashtë radhazi, që e lë këtë skuadër në vend të 6-të me 9 pikë.
Superiore, java e 7-të
Sot
Apolonia-Skënderbeu 1-0
Bylis-Kukësi 0-3
Kastrioti-Vllaznia 0-3
Laçi-Tirana 0-1
Partizani-Teuta 0-0
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje