.png)
Pas dy fitoreve radhazi në kampionat, Juventusi është ndalur në Torino nga Atalanta. Ka përfunduar në barazim 1-1 kjo ndeshje, ku Berat Gjimshiti, mbrojtësi i Kombëtares, ishte në fushë për 90 minuta dhe bëri një paraqitje të mirë. Madje, në një rast në pjesën e parë ai i ka mohuar golin Kristiano Ronaldos me një rrëshkitje në zonë.
Kieza kaloi në avantazh Juventusin, që humbi për dëmtim brazilianin Artur, i zëvendësuar nga Rabiot. Në pjesën e dytë, Freuler barazoi shifrat me një gjuajtje të bukur nga jashtë zonës. Vetëm pak minuta më pas kampionët në fuqi të Italisë fituan një penallti, por Kristiano Ronaldo u bllokua me mjeshtëri nga portieri Golini, më i miri i ndeshjes.
Një tjetër ndalesë kjo që e lë skuadrën e drejtuar nga trajneri Andrea Pirlo pas në renditje. Pas 12 javësh kampionat, Juventusi ka 24 pikë dhe ende nuk po bind as në lojë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje