.png)
Pak muaj më parë, kur në disa kampionate rinisën ndeshjet, u vendosën disa rregulla të forta, siç ishte edhe ndalimi i përqafimit pas një goli. Por ky rregull zgjati pak, sepse është shumë e vështirë që ta ndalosh një futbollist te festojë pasi ka shënuar.
Tani, me valën e dytë të Covid-19, janë rikthyer edhe rregullat e muajve të mëparshëm. Belgjika është një nga vendet më të goditur nga pandemia dhe futbolli aty ka pasur probleme, edhe pse në mars kampionati u ndërpre dhe u deklarua i mbyllur pa u luajtur ndeshjet e mbetura. Tani që ndeshjet luhen është rritur numri i të infektuarve edhe në futboll, ndaj dhe drejtuesit e federatës kanë shtrënguar masat.
Sipas “Brussels Times”, do të ndalohet përqafimi mes lojtarëve të një skuadre pas golit, në të kundërt do të ketë ndëshkime dhe gjoba. Nëse lojtarët përqafohen mes tyre, do të ndëshkohen me karton të verdhë ose do të gjobiten me 750 euro. Edhe festa në dhomat e zhveshjes është e ndaluar. Ai klub që nuk respekton rregullin, gjobitet me 10 mijë euro.
Një vendim i komplikuar, që do t’ua bëjë jetën të komplikuar arbitrave, të cilët duhet të kenë kujdes për ata që shënojnë dhe festojnë. Janë disa pyetje që kërkojnë përgjigje tashmë: Si vendoset limiti për festën e golit? A lejohet festa në stol? Duhet kuptuar si do të funksionojë ky rregull. Për momentin, është më mirë që lojtarët të qëndrojnë larg.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje