.png)
Kryeministri grek, Qiriakos Mitsotaqis këtë të martë i ka dërguar një propozim Këshillit Europian për të lëshuar një certifikatë standarde të vaksinimit ndaj COVID-19.
Mediat greke bëjnë me dije se Mitsotaqis, ka theksuar se përderisa vaksinimi nuk është i detyrueshëm, atëherë personat që kanë marrë vaksinën duhet të lëvizin lirshëm, të paktën mes shteteve anëtare të BE.
”Sigurimi i rifillimit sa më të shpejtë të lëvizjes së lirë të personave midis shteteve anëtare, por edhe me vendet e treta është një përparësi themelore për të gjithë ne. Për këtë arsye në Greqi, ne lëvizëm shpejt dhe zbatuam procedurat për të lehtësuar lëvizjen e lirë të personave të vaksinuar kundër Covid-19. Një hap kryesor në këtë drejtim është krijimi i një certifikate standarde, e cila do të provojë se një person është vaksinuar me sukses ”, është shprehur Mitsotaqis.
Ndërkohë pritet që Këshilli Europian në takimin e krerëve të shteteve të diskutojë edhe për këtë propozim që mund të shihet si çelësi i lëvizjes së lirë në BE edhe gjatë pandemisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje