.png)
Me 26 pikë në 20 ndeshje, Tirana është më afër zonës së rënies nga kategoria se asaj të kreut. Kampionët në fuqi kanë marrë një tjetër goditje të fortë në fushën e tyre, ku janë mundur 0-1 nga Teuta. Pas disfatës me Kukësin po në “Selman Stërmasi”, vjen kjo humbje që e fut Tiranën në gjendje “kome”.
Me ndërrimin e trajnerit dhe afrimet e merkatos së dimrit situata nuk është përmirësuar aspak te bardheblutë, që vazhdojnë të humbin terren. Ndeshja e sotme me Teutën u vendos nga një gol i shënuar nga Lorenco Vila në pjesën e parë. Tirana ishte afër barazimit me Muçin, të cilit ia mohuan golin portieri Frashëri dhe shtylla. Hoxhallari e la skuadrën me 10 vetë në pjesën e dytë, pasi u ndëshkua me karton të kuq.
Teuta kishte disa mundësi për të dyfishuar, ku veçohet ajo e Grudës, që me portën bosh gjuajti jashtë. Durrsakët mbajnë vendin e dytë tashmë me 36 pikë, 4 më pak se Vllaznia që luan nesër me Skënderbeun. Po në këtë kuotë pikësh është edhe Laçi, që mundi Kastriotin me golin e Regi Lushkjas. Teuta dhe Laçi kanë parakaluar Partizanin, që ndeshjen e tij e ka nesër me Kukësin.
Derbi i mbijetesës në Fier është fituar nga miqtë nga Ballshi, 0-1. Goli i Antoni ka bërë që Bylisi ta parakalojë Apoloninë në renditje dhe të shtojë shanset e qëndrimit në Superiore. Për fierakët është një humbje me kosto ndaj një rivali direkt.
Superiore, java e 20-të
Sot
Tirana-Teuta 0-1
Laçi-Kastrioti 1-0
Apolonia-Bylis 0-1
Nesër
Skënderbeu-Vllaznia
Partizani-Kukësi
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje