.png)
Kartoni i kuq ndaj Freuler të Atalantës në sfidën e së mërkurës në Ligën e Kampionëve, ishte i 15-ti në favor të Realit të Madridit, duke llogaritur të gjitha ndeshjet e luajtura nga “Los Blancos” në fazën me eliminim direkt në Ligën e Kampionëve.
Një rekord ky që madrilenët e ndajnë me rivalët e tyre historikë të Barcelonës sa i takon kompeticionit më të rëndësishëm europian në rang klubesh. Kjo statistikë e marrë nga “Opta” ka sjellë reagime të ndryshme në rrjetet sociale nga ana e tifozëve, sidomos atyre italianë. Dy klubet e mëdha spanjolle akuzohen se favorizohen nga arbitrat.
15 – Le Real Madrid a vu son adversaire recevoir un carton rouge à 15 reprises en phase à élimination directe de la Ligue des Champions, total le plus élevé dans l'histoire de la compétition en compagnie de Barcelone. Tradition. pic.twitter.com/KomovbsIob
— OptaJean (@OptaJean) February 24, 2021
Në fakt, kjo statistikë shpjegohet me faktin se Reali dhe Barcelona janë mes skuadrave që kanë luajtur më shumë ndeshje në Ligën e Kampionëve. Gjithashtu, janë edhe dy skuadrat që kanë thuajse gjithmonë lojtarët më të mirë në botë, të cilët shpesh ndalen duke marrë koston e kartonit të kuq. Përtej këti fakti, kartoni i kuq i Atalantës ka krijuar shumë polemika, madje edhe në Spanjë është pranuar si ishte karton i verdhë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje