.png)
“Maradona? Nga mit, u bë legjendë dhe mund të thuhet pa frikë se në botë ai është më i njohur se Papa. Për të do të flitet shumë, edhe pas 500 vjetësh”. Fjalë të thëna nga Fernando Sinjorini, përgatitësi historik i Diego Armando Maradonës.
Për “Radio CRC” ai ka thënë gjithashtu: “Nuk jam i habitur që Diego është kaq i dashur edhe tani dhe mbi të gjitha nga persona që nuk e kanë parë kurrë të luajë. Nuk mund të ishte ndryshe. Maradona ka qenë një simbol politik dhe social, ai bëri të fitojë Jugun kundër fuqisë së Veriut, si revolucionar që ishte. Diego luante për njerëzit e tij dhe qëllimi i tij i vetëm ishte që t’u dhuronte kënaqësi të gjithë popujve të botës”.
Ish-lojtari i madh argjentinas ka paguar një çmim të lartë për këtë. “E kam thënë gjithmonë, – vazhdon Sinjorini, – me Maradonën nuk shkoja dot as për të blerë cigare, sepse njerëzit e mbulonin. Dikush donte ta përqafonte, dikush i prekte flokët. Për të mos folur pastaj për fitimin e Botërorit të 1986-ës. Kur Diego u kthye nga Meksika, të gjithë e donin në ballkonin e ndërtesës së qeverisë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje