.png)
Procesi i identifikimit elektronik në zgjedhjet e 25 prillit do të kërkojë edhe personel shtesë, që do t’i bashkangjitet rreth 5 mijë qëndrave të votimit në mbarë vendin.
E për të plotësuar nevojat me burime njerëzore për këtë pjesë, të vlerësuar si me mjaft rëndësi në këto zgjedhje dhe pjesë e marrëveshjes së 5 qershorit të vitit të kaluar mes Partisë Socialiste dhe Partisë Demokratike, Komisioni Qendror i Zgjedhjeve ka hapur aplikimet për të gjithë personat që duan të jenë pjesë e këtij stafi.
Bëhet fjalë për staf teknik, me njohuri të moderuara teknologjike, por që duhet të plotësojnë 11 kushte. Detyrat e operatorit teknik lidhen vetëm me përdorimin e pajisjes së identifikimit elektronik të zgjedhësve. Ky pozicion pune përjashton çdo përfshirje në procedurat dhe veprimet e Komisionit të Qendrës së Votimit.
Aplikantët do të përzgjidhen sipas Bashkisë ku kanë vendbanimin dhe do të trajnohen nga personel i kualifikuar. Caktimi i operatorëve teknik në qendrën përkatëse të votimit bëhet me short mes kandidatëve të përzgjedhur për qarkun përkatës.
Afati i aplikimit për të gjithë personat e interesuar është data 5 prill 2021 dhe pagesa për këtë pozicion është caktuar 9 mijë lek.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje