.png)
Ish-Presidenti i Republikës, Bujar Nishani, i cili këto zgjedhje nuk u përfshi në listën e kandidatëve për deputet, shkruan në Facebook se këto zgjedhje do të jenë një betejë e vërtetë politike.
“Për këtë kërkohet ; forcë, energji, besim, aleancë e gjerë me qytetarët, gjithpërfshirje, optimizëm, frymë fitoreje !
Kandidatët e Partisë Demokratike tani duhet të ndezin të gjithë motorët.
Beteja zhvillohet 24//24, 7 ditë të javës, çdo minutë e sekondë me njerëzit e mes njerëzve.
Çdo aktivist demokrat por edhe çdo qytetar duhet të dijë vendin e tij/saj, sot në betejë e nesër në paqe.
Qytetarët duhet të kuptojnë e besojnë se ku është dhe si do të realizohet interesi i tyre.
Kandidatët e PD duhet të dinë se fjala apo koncepti “interes” nuk është një koncept apo fjalë “e keqe”.
Interesi është, punësimi, biznesi, prona, drejtësia, spitali, shkolla, ekonomia, mirëqenia e fëmijëve e plot të tjera, për çdo qytetar e familjet e tyre!”, shkruan ai.
Nishani që ka një pozicion honorifik në PD nënvizon se zyrat elektorale të Partisë Demokratike, duhen hapur menjëherë tashmë në çdo bllok banimi në qytete e në çdo fshat në zonat nivel komune.
“Urgjente është ngritja piramidale e shtabeve elektorale duke nisur nga shtabi qendror i degës së PD deri tek shtabi elektoral për çdo qendër votimi, listat e votuesve në nivel Qendër Votimi duhet të njihet nominalisht nga aktivistët e terrenit përgjegjës për atë territor përkatës.
Kandidatët e PD kanë detyrën e përcjelljes së mesazhe programore e qeverisëse tek qytetarët sa më thjeshtë, të përmbledhura dhe lehtësisht të kuptueshne.
Gjuha “e drunjtë” dhe “stërholluar” nuk ngjall as kureshtje dhe nuk merr as vëmendje nga qytetarët.
Simbioza e “betejës” është aftësia e ndërlidhjes ; kandidat-qytetar, komunikim-mirëkuptim, thjeshtësi-seriozitet”, shkruan ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje