.png)
Guardiola nuk kënaqet kurrë. Nuk i mjaftojnë numrat e jashtëzakonshëm dhe dominimi i Mançester Sitit në Premier Ligë këtë sezon, si dhe objektivi i Ligës së Kampionëve shumë afër, pas kalimit në çerekfinale. Trajneri katalanas kërkon më shumë për një skuadër… hyjnore.
Sipas “Daily Mail”, drejtuesit e klubit anlgez do të shtojnë në staf edhe katër astrofizikantë, të cilët do të merren me të dhënat e skuadrës. Objektivi është që ata të mbledhin sa më shumë informacion të jetë e mundur për të përmirësuar më pas rendimentin e futbollistëve në fushë.
Në ç’mënyrë? Duke monitoruar aksionet e futbollistëve të caktuar me anë të një lloj teknologjie 3D, që vë në përdorim shumë kamera. Ky operacion nuk ka të bëjë vetëm me Mançester Sitin, por edhe me klubet e tjera të “City Football Group”, mes të cilëve janë edhe Nju Jork Siti FC, Xhirona, Trojes dhe skuadra të tjera në botë. Tani mbetet për t’u parë se çfarë rezultatesh do të sjellë kjo risi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje