.png)
Do të shitet në një ankand bamirësie shiriti i kapitenit, që Kristiano Ronaldo hodhi në fushë në fundin e ndeshjes me Serbinë, e luajtur të shtunën në Beograd. Një veprim në shenjë proteste kundër vendimit të arbitrave për të mos akorduar golin e shënuar prej tij në kohën shtesë, që do t’i jepte fitoren Portugalisë.
Të ardhurat që do të sigurohen nga ky ankand do të shkojnë për mbështetjen financiare të një fëmije 6-muajsh në gjendje të rëndë shëndetësore, i cili ka nevojë për kura që janë shumë të kushtueshme.
Shiriti që Kristiano Ronaldo hodhi në fushë, sipas agjencisë së lajmeve “Tanjug”, është marrë nga një prej personave përgjegjës për sigurinë në stadiumin “Rajko Mitiç” të Beogradit. Dhe ai vendosi që ta japë për bamirësi dhe tani mbetet të mësohet shifrat e shitjes së tij në ankand.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje