.png)
Partia Demokratike thotë se Kryeministri Edi Rama po perpiqet të manipulojë me çështjen e logos, se ka turp nga emrat e kandidatëve të PS dhe po i fsheh ata pas numrave dhe se do të apelojë vendimin e KAS.
“Është shumë e qartë që ai po përpiqet të manipulojë me çështjen e logos. Ligji është i qartë për çështjen e logos. Vendimi i sotëm është në shkelje të ligjit. Ata po përpiqen të ngatërrojnë qytetarët shqiptarë me këto lojëra te pista. Shiheni logon- dhe do ta kuptoni qartë se çfarë po përpiqen të bëjnë. Ne do ta apelojmë vendimin”, deklaroi përfaqësuesi i PD, Ivi Kaso.
PD e ka një shpjegim edhe në lidhje me emrat e kandidatëve, ku KAS pranoi kërkesën e PS për zëvendësimin e tyre me numra,
“Rama është i turpëruar nga lista e kandidatëve të tij, ndaj po përpiqet t’i fshehë ata. Ai nuk do që njerëzit të shohin se për kë po votojnë. U bëj thirrje deputetëve të PS të kenë kujdes, sepse Kryetari i tyre po përpiqet t’i fshehë nga publiku, sepse ndjehet i turpëruar nga ta”, tha Kaso.
PD thotë se këto janë manovra e përpjekje për të vonuar zgjedhjet, që nuk do të kenë sukses.
“Shqiptarët e dinë këtë dhe tashmë ata janë ngopur me manovrat dhe marifet e tij të ndyra. Kjo nuk do ta ndihmojë atë”, vijon deklarata.
Reagimi mbyllet me thirrjen drejtuar Kolegjit për të rrëzuar këto manovra, sipas PD.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje