.png)
Kolegji Zgjedhor nuk do të humbasë kohë dhe do të mblidhet në seancë pasditen e kësaj të diele për të vendosur në lidhje me ankimimin e Partisë Demokratike sa i takon modelit të fletës së votimit.
PD ankimoi vendimin e Komisionit të Ankesave dhe Sanksioneve, që një ditë më parë i dha të drejtë Partisë Socialiste dhe partisë Bindja Demokratike. Për të parën ai vendosi modelin e fletës së votimit me numra, ndërsa të dytës i miratoi logon në fletën e votimit, të cilën PD e kundërshton si tejet të ngjashme me logon e saj dhe që ka për qëllim të ngatërrojë votuesit.
LEXO EDHE:
– Loja me fletën vazhdon, KAS rrëzon Celibashin dhe miraton fletën e votimit me numra
– Kim: Të sigurohen rregulla të ndershme e të qarta për zgjedhjet
Kolegji do të mblidhet në seancë në orën 16:00, ndërkohë që shorti është hedhur paraditen e së dielës, duke caktuar pjesë të trupës gjyqësore gjyqtarët Gentjan Medja, Alma Kolgjoka, Manjola Xhaxho, Esmeralda Xhili dhe Asim Vokshi.
PD e konsideroi vendimin e KAS si përpjekje të Edi Ramës për të manipuluar zgjedhjet dhe për të fshehur pas numrave turpin që ndjen, sipas opozitës, Kryeministri për emrat e vendosur në listat e kandidatëve për deputetë nga Partia Socialiste.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje