.png)
Aeroporti i Vlorës projektohet që të presë edhe fluturime trans-oqeanike, duke u mundësuar qytetarëve shqiptarë që të shmangin tranzitet në rastin e udhëtimeve për në Shtetet e Bashkuara të Amerikës, Australi, apo vende të tjera të largëta.
Deri më tani, këto fluturime nuk ofrohen nga Aeroporti i Rinasit, e po ashtu kushtet në këtë pjesë nuk i plotëson as pista e Aeroportit të Kukësit.
Kategoria e Aeroportit të Vlorës do të jetë 4E, që do të thotë se përveç qëllimit kryesor të uljes dhe ngritjes së avionëve të pasagjerëve, do të ofrojë edhe shërbimin e mirëmbajtjes së tyre dhe për transportin e mallrave.
Për këtë të fundit, avionët e transportit janë me përmasa më të mëdha, me gjatësi krahësh mesatarisht 65 metra. Parametrat për uljen dhe ngritjen e këtyre avionëve nuk i plotëson pista e Rinasit dhe as ajo e Kukësit. Gjatësia e pistës së Aeroportit të Vlorës do të jetë mbi 3 kilometra.
Ministrja e Infrastrukturës dhe Transportit tha se punimet parashikohet që të nisin brenda 14 muajve. Fillimisht, deklaroi Balluku, do të jetë faza përgatitore me studimin e ndikimit në mjedis, studimin arkeologjik dhe më pas hartimi i masterplanit dhe marrjen e lejeve të nevojshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje