.png)
Interi arrin barazimin e dytë radhazi, këtë herë në fushën e Specias së Ismajlit. Mbrojtësi i Kombëtares ishte 90 minuta në fushë dhe bëri një paraqitje pozitive. Performanca e tij është gjithmonë e më e mirë me Specian. Zikaltrit afrohen më shumë me titullin, duke përfituar edhe nga gabimet e Milanit. Pas javës së 32-të të Serisë A, skuadra e Kontes është 10 pikë e shkëputur nga vendi i dytë (76-66) dhe titulli është vetëm çëshje kohe.
Ndeshja nisi keq për Interin, që u gjend në disavantazh shumë shpejt. Farias realizoi me një gjuatje nga jashtë zonës, falë edhe shpërqendrimit të portierit Handanoviç. Perisiç barazoi që në pjesën e parë për zikaltrit, të cilët ishin pa fat në këtë ndeshje, ku goditën dy herë shtyllën me Lautaro Martinez, u anuluan dy gola për pozicion jashtë loje dhe Lukaku humbi një rast të pastër.
Milani, që zbriti në fushë para të tjerëve, humbi në fushën e tij me Sasuolon, 1-2. Çalhanoglu realizoi një gol të bukur, duke e kaluar Milanin në avantazh, por miqtë përmbysën gjithçka me një dopietë të Raspadorit, i aktivizuar si zëvendësues. Tashmë kuqezinjtë kanë vetëm 1 pikë pas Juventusin e vendit të tretë.
Bardhezinjtë mundën 3-1 Parmën në një ndeshje që e nisën në disavantazh, por reaguan në mënyrën më të mirë. Golat për skuadrën e Pirlos u shënuan nga mbrojtësit, dy nga braziliani Aleks Sando dhe një nga De Ligt. Ishte reagimi i duhur nga Juventusi pas humbjes me Atalantën. Kjo e fundit mund të parakalojë si Juventusin, ashtu edhe Milanin, nëse fiton të enjten në fushën e Romës.
Seria A, java e 32-të
Milan-Sasuolo 1-2
Bolonja-Torino 1-1
Krotone-Sampdoria 0-1
Xhenoa-Benevento 2-2
Juventus-Parma 3-1
Specia-Inter 1-1
Udineze-Kaljari 0-1
Të enjten
Roma-Atalanta
Napoli-Lacio
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje