.png)
Të paktën 44 të vdekur dhe mbi 150 të plagosur, njëzet prej tyre në gjendje të rëndë, është bilanci i një tragjedie që ndodhi pas mesnatës gjatë kremtimit të një feste fetare me hebrenj ultra-ortodoksë në malin Meron, në Galile të Izraelit.
Sipas mediave lokale, disa njerëz rrëshqitën nga shkallët e tribunave, duke tërhequr me vete pjesëmarrësit e tjerë dhe duke shkaktuar një largim masiv, gjatë të cilit dhjetëra njerëz u shtypën me këmbë.
Në një postim të publikuar në “Twitter”, një nga drejtuesit e ndihmës së shpejtë, Magen David Adom, specifikoi se shkaku i aksidentit ishte një “shtypje” mes njerëzve që po merrnin pjesë në tubimin fetar. Kryeministri izraelit, Benjamin Netanjahu foli për një “katastrofë të rëndë”.
Si çdo vit, me rastin e festës hebraike të Lag ba-Omer (e cila përkujton rebelimin hebre të 132 pas Krishtit kundër legjioneve romake) mbi 100,000 hebrenj vëzhgues shkuan në malin Meron për t’u lutur në varrin e Shimon Ber Yochai, një rabin i famshëm të shekullit të dytë të erës sonë.
Sipas traditës, ai është autori i tekstit mistik të Zohar (shkëlqimit). Kjo ngjarje ka qenë më e ngarkuara në Izrael për vite me radhë, ndonjëherë duke tërhequr deri në gjysmë milioni njerëz.
Vitin e kaluar, për shkak të koronavirusit, evenimenti u anulua. Këtë vit, me përmirësimin e gjendjes shëndetësore, ai u autorizua, por me kufizime të shumta të cilat, megjithatë, nuk i rezistuan presionit të turmave masive.
Një fatkeqësi tjetër ka ndodhur gjithashtu në malin Meron në vitin 1911. Atëherë dhjetëra njerëz vdiqën në shembjen e një ndërtese afër varrit të rabinit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje