.png)
Lajmi se Bajerni i Mynihut pagoi 25 milionë euro për t’i marrë Lajpcigut trajnerin Julian Nagelsman, i cili tashmë ka firmosur me bavarezët, bëri menjëherë xhiron e botës. U duk shumë e çuditshme të paguhej një shumë e tillë nga një klub, që di t’i bëjë mirë llogaritë dhe aq më tepër që stolin e tij e lakmojnë edhe emrat më të njohur të trajningut.
Por gjithçka është hedhur poshtë nga presidenti i Bajernit, Herbert Hainer, i cili ka përgënjeshtruar shifrën e 25 milionë eurove. “Duhej të gjenim një akord me Lajpcigun, sepse Nagelsman kishte kontratë me të, – ka shpjeguar Hainer në një intervistë për “Abendzeitung”. – Nuk duhet t’i besoni shifrat që qarkullojnë. Bajerni është një nga ekipët më të mirë në Europë dhe ka nevojë për një trajner të nivelit të lartë. Ne ia dolëm, duke firmosur me Julianin”.
Nagelsman do të pasojë në stolin e Bajernit Hansi Flik, trajnerin që fillimisht u emërua i përkohshëm, pas largimit të Niko Kovaç, dhe më pas fitoi gjithçka në krye të bavarezëve. Flik pritët të marrë drejtimin e kombëtares gjermane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje