.png)
Kristiano Ronaldo i dha fund “agjerimit” në ndeshjen me Udinezen, ku shënoi 2 gola në përmbysjen e Juventusit nga 1-0 në 1-2. Ishte ky dygolësh i portugezit që largoi skuadrën dhe trajneri Andrea Pirlo nga telashet e mëdha. Shtypi italian ndërkohë ka zbuluar një skenar në lidhje me të ardhmen e Ronaldos.
Me shumë mundësi, Kristiano Ronaldo do të respektojë deri në fund kontratën me Juventusin, që i skadon në 2022-shin, dhe më pas do të firmosë një kontratë dyvjeçare me Sportingun e Lisbonës, skuadrën ku u rrit dhe u lançua në futbollin e madh. Portugezi dëshiron që ta mbyllë karrierën e tij të gjatë në “shtëpi”.
Kohët e fundit ka pasur shumë zëra për largimin e Ronaldos nga Juventusi. Fillimisht u fol për një rikthim të mundshëm te tij te Real Madrid, më pas te Mançester Junajtid, si dhe për një kalim të mundshëm te PSG-ja. Por të gjtiha këto variante kanë mbetur në kuadrin e fjalëve dhe gjasat më të mëdha janë edhe për një vit bardhezi të sulmuesit veteran. Pastaj, Sportingu i Lisbonës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje