.png)
Barazimi 1-1 në Madrid, të paktën teorikisht, favorizon londinezët në fushën e tyre, por me Realin nuk bëhet shaka asnjëherë në Ligën e Kampionëve. Tuhel e di mirë, pasi pa Benzemanë t’i ndëshkonte të tijtë në ndeshjen e parë, pavarësisht paraqitjes së mirë të Çelsit në “Valdebebas”.
Te Çelsi ëndërrojnë një finale të gjithë angleze me Mançester Sitin, ndërsa Zinedin Zidan kanë mundësinë të kthehet në legjendë, duke fituar trofeun e katërt të Ligës së Kampionëve si trajner. Problemi i tij lidhet gjithmonë me mbrojtjen e përgjysmuar, që ka kushtëzuar sezonin e madrilenëve.
Jashtë mbeten Varane, Karvajal dhe Lukas Vazkuez, por do të ketë në fushë një nga pikat më të forta, lidershipin Serxhio Ramos. Do të jetë ai në qendër të mbrojtjes, me shumë mundësi me 3 lojtarë, bashkë me Militaon dhe Naçon. Dy lojtarë të rikuperuar në orët e fundit janë Valverde dhe Mendi, të cilët do të luajnë në linjat e krahëve, por i gatshëm do të jetë edhe Marselo, i cili ka zgjidhur problemin si komisioner në zgjedhje. Në qendër të mesfushës do të jetë treshja e zakonshme e përbërë nga Modriç, Kasemiro dhe Kros, ndërsa në sulm Benzema mund të ketë në krah Eden Hazard, ish-lojtarin e Çelsit.
Tuhel tashmë ka në dorë një skuadër që luan përmendësh, me pikëpyetjen e vetme të sulmuesit që të jetë në gjendje të konkretizojë lojën e shokëve. Edhe sot në mbrëmje pritet që Havertz të marrë vendin e të kritikuarit Verner. Pas krahëve të sulmuesit qendror do të jenë Pulisiç dhe Ziesh. Çelsi do të jetë i kujdesshëm dhe gati për të goditur sapo t’i jepet mundësia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje