.png)
E renditur e 34-ta në listën e kandidatëve për deputet të PD për qarkun e Tiranës dhe me vetëm 2000 vota të fituara në zgjedhjet e 25 Prillit, Lediana Fratari ka kërkuar rinumërim të gjitha votave në kryeqytet.
Kandidatja për deputete e Partisë Demokratike e bazon kërkesën e saj nga verifikimet e pamjeve filmike, që ajo ka marrë paraprakisht nga ku, sipas saj, rezulton se ka mospërputhje mes numërimit të votave (nga pamjet filmike) dhe rezultatit të shpallur.
Sa i përket rolit të komisionerëve të PD-së në këtë proces sa kohë që ekzistojnë firmat e gjithë palëve nëpër proçesverbale, Fratari nuk jep hollësi përveçse sqaron se indicia e saj për të kërkuar pamjet filmike ishte bazuar pikërisht nga të dhënat e komisionerëve, vëzhguesve dhe numëruesve.
Lediana Fratari kërkon ndryshimin e vendimit të Komisionerit Shtetëror të Zgjedhjeve, si dhe rinumërim dhe vlerësim të votave për të gjitha ZAZ-të e qarkut Tiranë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje