.png)
Ronald Koeman ka thënë se e sheh të ardhmen në stolin e Barcelonës, por së fundi është zbuluar një prapaskenë në lidhje me atë që do të udhëheqë skuadrën katalanase duke nisur nga sezoni i ardhshëm. Sipas “Espn”, drejtuesit e Barcelonës po tentojnë të rrëmbejnë gjermanin Hans Flik, trajnerin e Bajernit që do të alrgohet në fund të sezonit.
Flik deri tani duket i destinuar për të marrë drejtimin e kombëtares gjermane pas Euro 2020, kur skadon kontrata e Joakim Lëv, por ai vetë i ka lënë të hapura edhe opsionet e tjera. Trajneri që fitoi gjithçka me Bajernin ka deklaruar se ka pasur kontakte vetëm me drejtorin e përgjithshëm të Gjermanisë, Oliver Bierhof, dhe se do të takohet me të sërish në javët e ardhshme.
Kombëtarja është një mundësi shumë e mirë për trajnerin e ri gjerman, por edhe Barcelona mund ta joshë atë. Katalanasit kohët e fundit nuk kanë gjetur qetësi me stolin, teksa janë ndërruar trajnerë të ndryshëm, si Valverde, Setien e Koeman, por asnjëri prej tyre nuk ka mundur t’i sistemojë gjërat. Pas 2 barazimeve të fundit, Barcelona mban vendin e tretë në renditje, prapa dy ekipeve të Madridit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje