.png)
Emrat që kanë paraqitur formular për të kandiduar në garën për kryetar të Partisë Demokratike ishin nëntë. Veç pesë emrave “të njohur” për publikun, në Komisionin Zgjedhor të PD-së dorëzuan formularët edhe katër emra “të panjohur”.
Admir Mulaj, Edmond Vrapi, Sabri Hoxha dhe Mirjan Jashanllari u janë bashkuar kandidaturave të Lulzim Bashës, Agron Shehajt, Fatbardh Kadillit, Edith Harxhit dhe Ibsen Elezit.
Kandidaturat u shqyrtuan në mbledhjen e Kryesisë që u mbajt në selinë e Partisë Demokratike. Në fund të procesit, Kryesia skualifikoi për mosplotësim kushtesh 5 emra, mes të cilëve edhe Ibsen Elezin, pjesë e grupimit “Për PD” dhe që protestoi para selisë së partisë duke kërkuar dorëheqjen e Lulzim Bashës.
Pas këtij vendimi, kandidatët për kryetar në zgjedhjet e 13 qershorit janë Lulzim Basha, Agron Shehaj, Edith Harxhi dhe Fatbardh Kadilli.
Gazeta Si mëson se vetë Lulzim Basha, që më 13 qershor do të kandidojë si kryetar i PD-së, e ka shmangur këtë mbledhje të Kryesisë për të shuar çdo akuzë për konflikt interesi.
Në vend të kësaj, Basha ka autorizuar dy nënkryetarët, Edmond Spaho dhe Edi Paloka dhe Sekretarin e Përgjithshëm, Gazment Bardhi për të drejtuar mbledhjen e Kryesisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje