.png)
Lideri bjellorus, Alexander Lukashenko i tha të premten homologut rus, Vladimir Putin se Perëndimi po përpiqet të nxisë trazira në vendin e tij, për shkak të zemërimit për devijimin që iu bë një avioni pak ditë më parë.
Lukashenko ishte në Rusi për bisedime me Putin, i cili shihet si një mbështetje për ish-republikën sovjetike që po izolohet gjithnjë e më shumë.
“Do t’ju tregoj disa dokumente, do ta shihni se çfarë ka ndodhur aty. Është një përpjekje për të destabilizuar vendin si gushtin e kaluar”, u shpreh president i Bjellorusisë.
Nga ana e tij Putin u shpreh se kur avioni i presidentit të Bolivisë u detyrua të ulej dhe presidenti u mor me forcë nga avioni, për këtë heshtën të gjithë.
Bisedimet e profilit të lartë vijnë teksa lideri autoritar bjellorus përballet me një zemërim global për detyrimin e avionit të ulej në Minsk të dielën e kaluar për arrestimin e një gazetari që ndodhej në bord.
Ndërkohë, liderja e opozitës bjelloruse, Svetlana Tikhanovskaya i bëri thirrje të premten Bashkimit Evropian që të tregohet më i fortë dhe më i guximshëm në sanksionet ndaj regjimit të Lukashenkos.
Ajo foli pas një takimi në Hagë me kryeministrin holandez, Mark Rutte dhe ministrin e Jashtëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje