.png)
Kryeministri britanik Boris Johnson raportohet se u martua me partneren Carrie Symonds në një ceremoni sekrete ditën e shtunë.
Sipas mediave britanike, dyshja u martua në Katedralen Westminster, në Londrën qendrore, përpara 30 të ftuarve, maksimumi i lejuar sipas kufizimeve aktuale COVID-19 në Mbretërinë e Bashkuar.
Gazeta “ The Sun” raportoi se dasma e fshehtë u zhvillua vetëm disa ditë pasi Johnson, 56 vjeç dhe Symonds, 33 vjeç, dërguan ftesa për datën e planifikuar në korrik të vitit 2022.
Sipas raporteve, stafi i lartë në Downing Street nuk ishin në dijeni të planit të dasmës por zyra e Johnson nuk pranoi të komentojë.
Vizitorë, përfshirë babanë e Johnson dhe disa vëllezër e motra të tij, si dhe muzikantë u panë duke dalë nga Downing Street të shtunën në mbrëmje. Johnson dhe Symonds njoftuan fejesën e tyre në shkurt të vitit 2020 dhe kanë një djalë një vjeçar, Wilfred. Kjo është martesa e tretë e kryeministrit dhe e para e Symonds.
Shumë politikanë britanikë përfshirë Theresa Coffey, Sekretarja e Shtetit për Punë dhe Pensione dhe Ministrja e Parë e Irlandës së Veriut, Arlene Foster e përgëzuan çiftin për martesat e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje