.png)
Sezoni perfekt për Vllazninë do të ishte me titullin kampion, por atë ia rrëmbeu Teuta dhe shkodranët nuk mund të gabonin në finalen e Kupës së Shqipërisë ndaj Skënderbeut. Një gol i brazilianit Da Silva në pjesën e parë ka bërë që Kupa e Shqipërisë të shkojë në Shkodër, duke lumturuar gjithë tifozët kuqeblu.
Në finalen e zhvilluar në “Air Albania”, ku janë lejuar 1000 tifozë, Vllaznia ka treguar se e meritonte një trofe këtë sezon. Ka bërë një ndeshje më të mirë se Skënderbeu dhe në fund ka festuar. Momenti vendimtar i ndeshjes ishte minuta e 39-të, kur pas një pasimi nga e majta të Isaevskit, Da Silva ka goditur dhe i ndihmuar edhe nga një devijim i Vitijas, e ka kaluar skuadrën e tij në avantazh.
Korçarët u përpoqën në pjesën e dytë, por pa mundit t’i barazonin shifrat. Në fund Zguro e la skuadrën me 10 vetë, pasi u ndëshkua me të kuq për një ndërhyrje të ashpër nga prapa ndaj Gurishtës. Për Skënderbeun mund të konsiderohet sukses arritja deri në finale e Kupës së Shqipërisë, duke ditur vështirësitë që ka kaluar.
Trajneri Tomas Bërdariç konfirmon se është njeriu i duhur për Vllazninë. Që në sezonin e parë në krye të saj ai ka arritur t’i japë një trofe dhe mbi të gjitha t’i kthejë skuadrës shkodrane lojën e bukur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje