.png)
Serxhio Buskets ndodhet në shtëpinë e tij në Barcelonë, ku u kthye me ambulancë. Gjashtë orë udhëtim nga Las Rozas, periferi e Madridit, ku ndodhet qendra stërvitore e kombëtares spanjolle. Kapiteni i Spanjës doli pozitiv me Covid-19 pas testeve të kryera ditën e pushimit, duke ngritur alarmin. Sepse mesfushori e ka kaluar javën me shokët e ekipit, ka dhënë intervista dhe të premten luajti një orë kundër Portugalisë, që për pasojë është alarmuar dhe shpreson të mos ketë të infektuar.
Masa e parë që është marrë, përveç izolimit të Buskets, është që në miqësoren me Lituaninë të luajë Spanja U-21, e grumbulluar me shpejtësi nga pushimet, pas eliminimit nga Europiani. Lojtarët e tjerë të ekipit të Luis Enrikes kanë dalë të gjithë negativë, por inkubacioni ka kohë të ndryshme dhe nuk përjashtohet mundësia që të ketë edhe të tjerë pozitivë.
Pyetja që lind është se si ka mundësi që lojtarët e Spanjës nuk janë vaksinuar? Në Spanjë për këtë temë ka shumë polemika, sepse federata kërkoi që lojtarët të vaksinoheshin, kurse Ministria e Shëndetit i tha “jo” një trajtimi preferencial të futbollistëve, një trajtim që në fakt iu bë sportistëve që do të marrin pjesë në Olimpiadë, duke përfshirë dhe ekipin olimpik të futbollit.
Në qendrën stërvitore Las Rozas janë prishur të gjitha planet: lojtarët të ndarë dhe stërvitje të kushtëzuara një javë para debutimit në Europian kundër Suedisë. Luis Enrike kishte grumbulluar 24 lojtarë dhe jo 26, kështu që mund ta zëvendësojë Busketsin deri të dielën. Frika për një vatër të mundshme infeksioni është e madhe te spanjollët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje