.png)
Serxhio Ramos ka folur me Milanin. Lajmi i bujshëm vjen nga Spanja disa orë pas largimit zyrtar të mbrojtësit nga Real Madrid pas 16 vitesh. Sipas televizionit “El Chiringuito”, Ramos ka biseduar me drejtuesit e klubit italian së fundi në lidhje me një trasnferim të mundshëm në Serinë A.
Por shifrat që kërkon “El gran capitan” janë vërtet të fikrshme. Gjithmonë sipas televizionit spanjoll, Ramos kërkon 15 milionë euro neto në sezon për të luajtur me Milanin, plus 20 milionë euro për firmën. Një lëvizje mjaft e komplikuar, kur flitet për shifra të tilla, përtej raportit shumë të mirë që spanjolli ka me Paolo Maldinin.
Pas 671 ndeshjesh me madrilenët, Ramos është gati për një aventurë të re. PSG-ja dhe klubet e pasura të Premier Ligës janë kandidatët kryesorë, por pas zemrave kuqezi në Tuiter të bashkëshortes së tij, Pilar Rubio, ka menduar “El Chiringuito” të japë detaje për tratativat Ramos-Milan, me shifra që duken shumë larg mundësive të klubit nga Milano.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje