.png)
Komiteti organizator ka vendosur për praninë e publikut në Lojërat Olimpike të Tokios gjatë një mbledhjeje, ku ka marrë pjesë presidenti i CIO-s, Tomas Bah, governatorja e Tokios Juriko Koike dhe ministrja e Sportit Tamajo Marukaua: do të lejohen deri në 10000 spektatorë gjatë eventeve të këtij aktiviteti ndërkombëtar.
Hapet rruga kështu për praninë e tifozëve gjatë garave në Olimpiadë. Megjithatë, ka disa rregulla që duhen respektuar. Tifozët lokalë që do të jenë të pranishëm në struktura nuk mund të festojnë, duhet të mbajnë maskë dhe duhet të kthehen në shtëpi menjëherë pas zhvillimit të garave.
Sipas asaj që kanë bërë të ditur organizatorët e Olimpiadës, rreth 3.7 milionë bileta janë shitur deri tani për tifozët japonezë. Lojërat Olimpike fillojnë më 23 korrik dhe përfundojnë më 8 gusht. Prania e publikut ishte vënë në pikëpyetje, por tashmë ka ardhur edhe vendimi zyrtar, që hap rrugën për tifozët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje