.png)
Partia Demokratike thotë se njëri prej dy trafikantëve të arrestuar për trafik droge mes Zvicrës dhe Gjermanisë është patronazhist i Partisë Socialiste.
“Arrestohet për trafik droge një punonjës i zjarrëfikëses në Tiranë dhe rezulton të jetë patronazhist i PS-së. Ky është kriminalizimi i politikës, kjo është masakra zgjedhore e 25 prillit, kështu u pengua ndryshimi që njerëzit donin, me trafikantë droge e paratë e pista të drogës”, shkruan në Facebook Sekretari i Përgjithshëm i PD, Gazment Bardhi.
Bardhi thotë se opozita është e vendosur në çmontimin e aleancës së qeverisë me krimin, ndërsa mazhorancën e cilëson pakicë që ka tjetërsuar vullnetin e lirë të shqiptarëve.
“Zhbërja e kësaj padrejtësie është dhe do të mbetet misioni ynë. Ne nuk do të ndalemi në betejën tone kundër kësaj pakice që përdor çdo mjet për të tjetërsuar vullnetin e lirë të shqiptarëve. Me shumicën e qytetarëve ne do të kthejmë legjitimitetin dhe demokracinë në vend”, mbyll reagimin e tij numri dy i PD.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje