.png)
Një ndërtesë banimi 12-katëshe u shemb pjesërisht brenda natës në Surfside, afër Majemit në SHBA. Të paktën një person ka humbur jetën, megjithëse numri i viktimave mund të jetë më i lartë me kalimin e orëve.
Nëntë njerëz, përfshirë një djalë, u nxorën të gjallë nga rrënojat. Kryetari i bashkisë së Surfside raportoi se shembja preku rreth 100 apartamente: “Ishte si një tërmet”, – tha ai. “Mbi 80 skuadra shpëtimi janë në vend”, njoftoi departamenti i zjarrfikësve.
Pallati ishte një pjesë e një ndërtese me 100 apartamente të vendosura në Collins Avenue në Surfside, në Oqeanin Atlantik, pjesë e kompleksit “Champlain Towers” i ndërtuar në vitin 1981. Se çfarë e shkaktoi shembjen dhe sa është numri i të plagosurve dhe viktimave, mbetet të sqarohet në vijim.
Megjithëse një zjarrfikës i pranishëm në vendngjarje, tha se dyshohet të ketë shumë viktima. “E gjithë pjesa e pasme e ndërtesës u shemb”, – tha rreshteri Marian Cruz i “Miami Dade Fire Rescue”. Grumbuj mbeturinash dhe rrënojash kanë rrethuar zonën ku u shemb pjesërisht godina e banimit.
Policia bllokoi rrugët pranë objektit dhe dhjetëra automjete zjarrfikëse dhe shpëtimi, ambulanca dhe makina policie u mblodhën në vendin e ngjarjes.
Shtypi amerikan raporton se ka apartamente të vjetra dhe të reja, shtëpi, bashkëpronësi dhe hotele në lagje, me restorante dhe dyqane që shërbejnë vendasit dhe turistët.
BREAKING:https://t.co/S5pw0eldYX
— Izzy (@YWNReporter) June 24, 2021
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje