.png)
Një Milan francez. Kthesa frankofone e kuqezinjve ka nisur që sezonin e kaluar, me afrimin e Teo Hernandez dhe Kalulu, ndërsa gjatë kësaj vere, me Monkadën si kryeskaut, Milani do të jetë gjithëmonë e më francez. Të enjten pritet Olivier Zhiru, i cili të premten do të kryejë vizitat mjekësore dhe do të firmosë kontratën.
Shumë afër Milanit është edhe Balo-Toure, mbrojtës krahu që vjen në huazim nga Monako, me të drejtën e blerjes. Atyre mund t’u bashkohet edhe Tiemoue Bakajoko, një njohje e vjetër e Milanit të Gatuzos, që nuk do të ketë probleme për t’u përshtatur me mesfushën e Piolit.
Në mesfushë flitet frëngjisht. E kanë thënë në disa intervista Kesi dhe Benaser: “Merremi vesh më mirë dhe është më e lehtë”. Belgu Saelemaekers u shtohet frankofonëve, ndërsa Kjaer dhe Leao kanë luajtur në Ligue 1 dhe me siguri kanë mësuar pak frëngjisht. E njëjta gjë vlen edhe për Ibrahimoviçin, 4 vjet në Paris, ndërsa portieri Maignan sezonin e ri do të marrë vendin e Donarumës.
Përveç portierit të tretë të Deshamp në Euro 2020, në skuadër janë edhe Kalulu dhe Teo Hernandez. Zhiru do të jetë francezi i 20-të në historinë e Milanit. Një rekord që lidhet me një emër: Geofri Monkada, kryeskautin e kuqezinjve. Vite më parë ishte ai që zbuloi talentin Mbape dhe e çoi te Monako, sot punon për një Milan të fortë dhe ka shpërndarë vëzhgues në gjithë Europën.
Xhixho Donaruma, heroi i Italisë në Euro 2020, i ka dhënë lamtumirën Milanit me një letër të gjatë, ku thekson se do të mbetet gjithmonë një tifoz kuqezi. Ideja e fundit e drejtuesve për merkaton është ajo e sulmuesit kroat Vllasiç, aktualisht në radhët e CSKA-së së Moskës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje