.png)
Partizani ka bërë detyrën edhe në Moldavi, duke e fituar edhe ndeshjen e dytë ndaj Sfintul Georghe me rezultatin 2-3. Një kualifikim i lehtë për ekipin e trajnerit Ilir Daja, me rezultatin e përgjithshëm 8-4. Në turin e dytë eliminator të Ligës së Konferencës Partizani do të ketë përballë Bazelin e Zvicrës, një ekip mjaft i njohur në kupat e Europës, ku luan edhe mesfushori i Kombëtares, Taulant Xhaka.
Edhe në ndeshjen e sotme, protagonist ishte braziliani Stenio Zhunior, autor i 2 golave për Partizanin, ashtu si në ndeshjen e parë në Elbasan. Shënoi gjithashtu kavajasi Tedi Cara, edhe ai autor i një goli një javë më parë.
Partizani u gjend dy herë në disavantazh, por në të dy rastet reagoi mirë dhe barazoi. Cara shënoi në minutën e 15-të, pasi ekipoi vendës kishte realizuar me penallti më parë Volkov. Sfintul shënoi sërish, por Stenio Zhunior barazoi në fund të pjesës së parë dhe në të dytën gjeti edhe golin e fitores për Partizanin, që kalon pa probleme në turin e dytë, ku do të jetë tjetër muzikë, sepse kundërshtari është e një tjetër niveli.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje