.png)
Grizman te Juventusi dhe Dibala te Barcelona. Lajmi i bujshëm vjen nga Franca. Sipas prestigjiozes “L’Equipe”, klubi katalanas ka menduar t’i propozojë Juventusit këtë shkëmbim, pasi orët e fundit kanë ngecur bisedimet për rikthimin e sulmuesit francez tek Atletiko Madrid, në shkëmbim të Saul Niguez.
Paulo Dibala është një lojtar i kërkuar edhe më parë nga Barcelona, ndërsa Grizman duket se ka përfunduar në listën e atyre që do të sakrifikohen për për të rregulluar bilancin, për të kursyer sa më shumë në totalin e pagave. Pak ditë më parë francezi dukej shumë pranë rikthimit te skuadra e Simeones, por drejtuesit e Atletiko Madridit po shohin oferta të tjera më të mira për mesfushorin Saul Niguez, që do të shkëmbehej me Grizmanin. Oferta konkrete që vijnë nga Premier Liga për mesfushorin spanjoll.
E përditshmja franceze nuk flet për një fakt të kryer, por vetëm një ide të momentit sa i takon shkëmbimit Grizman-Dibala. Propozimi konkret nuk ka mbërritur ende në tavolinën e drejtuesve të klubit bardhezi. Këta të fundit në fakt janë duke punuar edhe për rinovimin e kontratës së argjentinasit, që konsiderohet një element shumë i rëndësishëm nga trajneri Masimiliano Alegri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje