.png)
Rei Manaj rrëmben skenën te Barcelona. Tripleta në miqësoren ndaj Gimnastik pak ditë më parë bëri që trajneri Koeman t’i jepte sulmuesit shqiptar një fanellë titullari në miqësoren e sotme ndaj Gironas, ku katalanasit fituan me rezultatin 3-1. Lushnjari e nisi ndeshjen përkrah disa emrave që luajnë titullarë me skuadrën e parë, si Pike, Umtiti dhe Serxhi Roberto.
Manaj gjeti sërish rrugën e rrjetës, duke vërtetuar se ata 3 gola të shënuar në miqësoren e parë nuk ishin rastësi. Ai shënoi me një devijim në zonë, pas një pasimi të bukur nga e majta e sulmit të Barcelonës. Ishte goli i dytë për skuadrën katalanase, pasi 3 minuta më parë Pike zhbllokoi shifrat me penallti.
Por futbollisti shqiptar ka pësuar një dëmtim në fundin e pjesës së parë, që ia bëri të pamundur vazhdimin e ndeshjes dhe ia la vendin holandezit Memfis Depai, i blerë nga Barcelona këtë verë. Vërtet për të ardhur keq, sepse Manaj dëmtohet në momentin më të mirë, kur ndoshta po shtonte kreditet për të qenë pjesë e skuadrës së parë sezonin e ri.
Shpresohet që tërheqja muskulore që sulmuesi pësoi të mos jetë e një shkalle të rëndë dhe ai të kthehet sa më parë të luajë, pasi Kombëtarja ka nevojë për të në ndeshjet kualifikuese të muajit shtator.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje