.png)
Tre persona janë arrestuar në Mirditë, ndërsa 23 të tjerë janë vënë nën hetim nga policia për shkak se akuzohen për organizimin e aktivitetit të lojërave të fatit në mënyrë të paligjshme.
Në operacionin e koduar “Poker”, kanë marrë pjesë edhe RENEA e mbërritur nga Tirana, e cila ka sekuestruar një sasi lënde narkotike, një tavolinë pokeri, 2 kompjuterë, çipsa dhe dy aparate celular.
Në pranga kanë rënë, N.P., 46-vjeç i cili dyshohet se organizonte lojëra fati në Mirditë në lokalin e tij dhe M.T., 21 vjeç, punonjës në lokal, banues në Mirditë, për veprat penale “Organizimi i lotarive të palejuara”, “Vënia në dispozicion e lokaleve për lojëra të palejuara” dhe “Përshtatja e lokalit për përdorim drogë” si dhe Xh.S., 21 vjeç, (klient në lokal), për veprat penale “Prodhimi dhe shitja e narkotikëve” dhe “Nxitja për përdorimin e drogës”. Këtij shtetasi, nga kontrolli i ushtruar nga shërbimet e Policisë, iu gjet një sasi e dyshuar cannabis sativa.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje