.png)
Italia vazhdon të mrekullojë në Lojërat Olimpike. “Axurrët” kanë fituar një tjetër medalje të artë në garat e shpejtësisë, në stafetën 4×100 për meshkuj. Lorenzo Patta, Marcell Jacobs, Fausto Desalu dhe Filippo Tortu janë protagonistët e një prej arritjeve më të mëdha të sportit italian.
Ndoshta më e madhja, sepse në një sport individual, është shprehja e një lëvizjeje të tërë. Ishte gara perfekte nga 4 atletët italianë, gara e 4 “fluturime” njëri më i bukur se tjetri dhe 4 ndërrimeve sa të rrezikshme, aq e precize. Jacobs, kampion në garën e 100 metrave, do të kthehet në shtëpi me 2 medalje të arta, por heroi i ditës, është Tortu.
Fraksioni i tij, që ishte i fundit, ishte një çmenduri. Pasi mori stafetën nga Desalu, me Britaninë e Madhe që dukej se do të shkëputej dhe Kinën shumë pranë, ai filloi të rikuperonte me vrull. Nethaneel Mitchell-Blake, që ishte në krye, humbi avantazhin ndaj Tortu, i cili kompletoi veprën e tij pak para finishit.
Italia, me një kohë 37”50, që nuk duket reale, fitoi medaljen e artë, Britania e Madhe të argjendtën dhe Kanadaja të bronzit. Te femrat, stafetën 4×100 e fitoi Xhamajka.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje