.png)
Të paktën tre të vdekur dhe 10 të plagosur është bilanci i dhunës së regjistruar në Xhalalabad, Afganistan, ku talebanët hapën zjarr ndaj një grupi demonstruesish që mbanin flamurin afgan. Lajmi u raportua nga televizioni “Al Jazeera”, duke cituar burime të sigurisë lokale.
Në Xhalalabad, kryeqyteti i provincës Nangarhar, në lindje të vendit, qindra njerëz dolën në rrugë të armatosur dhe me flamuj afganë, ndryshe nga flamujt që kanë vendosur talebanët pas ardhjes së tyre në Afganistanit. Protesta anti-talebane ka pasur edhe në provincat e tjera: flamuri afgan me katër ngjyra ende valëvitet në shumë rrugë.
Në Kabul në veçanti, talebanët po përpiqen të bllokojnë hyrjen në aeroport, me kaos në rrugë dhe në pistat e uljes dhe ngritjes. Në 24 orët e fundit, 5,000 afganë janë evakuuar nga Kabuli.
Në aeroportin e Kabulit, dëshmirarët thonë se ka një kaos të madh dhe të shtëna me armë zjarri. Njerëzit që duan të largohen nga vendi, po pengohen nga persona të armatosur.
Ndërkohë, statuja e një heroi shiit anti-taleban, Abdul Ali Mazari, u rrëzua nga kryengritësit në Bamiyan. Ai është një ish-udhëheqës politik etnik Hazara, pakica shiite në Afganistan. Hazaret janë një pakicë e persekutuar nga “studentët e Kuranit”.
Statuja e hedhur në erë, sipas videove që qarkullojnë që nga e mërkura, ndodhet në të njëjtën provincë të Bamiyanit, ku u shkatërruan dy statuja të mëdha 1,500-vjeçare të Budës të gdhendura në mal.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje