.png)
Debutimi i Lionel Mesit me fanellën e PSG-së, i parashikuar për të dielën e 29 gushtit, kundër Reims, në Spanjë mund të shihet gratis në platformën streaming “Twitch”. Kjo bëhet e mundur falë ish-shokut të skuadrës të argjentinasit, Zherard Pike, i cili, me kompaninë e tij “Kosmos”, ka blerë të drejtën e kampionatit francez.
Ndeshja e përmendur më lart do të transmetohet direkt në kanalin “Twitch” të Ibai Llanos, që gjithashtu transmetoi ekskluzivisht intervistën e parë të Mesit pas largimit nga Barcelona. Pike dhe Llanos kanë bërë të njëjtin eksperiment me Kupën e Amerikës, por tashmë e kanë ngritur stekën.
“Kosmos” i është bashkuar “Enjoy Television” për të blerë të drejtat televizive të transmetimit të Ligue 1 dhe Ligue 2 në Spanjë, duke provuar të shfrytëzojë “efektin Mesi”. Në pritje të një akordi me një televizion apo platformë streaming që të transmetojë ndeshjet, Pike ka zgjedhur sërish rrugën e inovacionit.
Nuk janë bërë ende publike shifrat e marrëveshjes, por në të kaluarën “Movistar+” e ka siguruar të drejtën për të transmetuar kampionatin francez për rreth 2.5 milionë euro në vit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje