.png)
Mançester Siti arriti një fitore të thellë ndaj Arsenalit. Plot 5 gola realizoi skuadra e Pep Guardiolës, që kontrolloi gjithçka në këtë ndeshje nga fillimi në fund dhe fitorja mund të ishte edhe më e thellë.
Gyndogan hapi serinë e golave pas 7 minutash lojë, duke shënuar me kokë. Vetëm 5 minuta më pas dyfishoi spanjolli Ferran Tores, autor i një dopiete në këtë ndeshje. Dy golat e tjerë për Sitin mbajnë firmën e Gabriel Jesus dhe Rodrit.
Për t’u harruar paraqitja e Arsenalit dhe mesfushorit shqiptar, Granit Xhaka, i cili la fushën që në pjesën e parë, pasi u ndëshkua me karton të kuq për një ndërhyrje të ashpër me taka ndaj kundërshtarit. Ishte humbja e tretë e Arsenalit në po kaq ndeshje të kampionatit, që do të thotë vend i fundit. Në dy javët e para londinezët janë mundur nga Brentfordi dhe Çelsi.
Për të besuarit e Guardiolës ishte fitorja e dytë radhazi me 5 gola të shënuar. Siti kryeson përkohësisht renditjen me 6 pikë. Edhe “qytetarët” kanë një humbje në kampionat, atë të javës së parë me Totenhemin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje