.png)
Partizani ishte klubi më aktiv në ditën e fundit të merkartos, ku zyrtarizoi afrimin shumë futbollistëve, gati një ekip të tërë, por sigurisht që goditja e madhe ishte firma me Ergys Kaçen, mesfushorin që ka luajtur për vite me radhë edhe me Kombëtaren. Kaçe ka lënë Greqinë për të provuar edhe kampionatin shqiptar me fanellën e kuqe.
“Partizani me kënaqësi njofton në ditën e fundit të merkatos arritjen e marrëveshjes me Ergys Kaçen. Mesfushori i spikatur i kombëtares bashkohet me 16-të herë kampionët e Shqipërisë pas eksperiencave të suksesshme në Greqi. Drejtuesit dhe 28-vjeçari kanë nënshkruar kontratën njëvjeçare me opsion rinovimi edhe për sezonin pasardhës”, – shkruhet mes të tjerash në njoftimin zyrtar të klubit kryeqytetas.
Kaçe ka kluajtur në Greqi me PAOK-un, Anagenisi Epanomi, Panathinaikosin, AEL-in, Viktoria Plzen në Çeki dhe së fundi me Arisin po në Greqi. Futbollisti korçar ka luajtur edhe 25 ndeshje me Kombëtaren dhe ka shënuar 2 gola me të, ku veçohet ai me goditje dënimi ndaj Francës në miqësore.
Partizani ka zyrtarizuar edhe tre futbollistë të rinj afrikanë, të cilët do t’I shërbejnë për të ardhmen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje