.png)
Një person i tretë vdiq në Japoni pasi mori dozën e dytë të vaksinës anti-Covid ‘Moderna’, që i përkiste sasive të tërhequra nga tregu.
Lajmi u raportua nga Ministria Japoneze e Shëndetësisë, duke shpjeguar se 49-vjeçarit, i cili ishte alergjik ndaj miellit, iu dha doza e dytë më 11 gusht dhe vdiq një ditë më pas.
Një autopsi, shpjegon institucioni, nuk ka gjetur hemorragji cerebrale ose anomali kardiopatike; një lidhje shkakësore midis vaksinës dhe vdekjes, megjithatë, ende nuk është konstatuar.
Kjo është vdekja e treta brenda një kohe të shkurtër nga efektet e vaksinës ‘Moderna’. Dy burra të tjerë, përkatësisht 30 dhe 38 vjeç, ndërruan jetë pas injektimit të dytë të vaksinës, shkaqet e të cilës janë ende nën hetim.
Në fund të gushtit, qeverisë japoneze iu desh të pezullojë përdorimin e 1.63 milionë dozave të vaksinës ‘Moderna’ të kontaminuar me ‘substanca të huaja’.
“Takeda”, kompania përgjegjëse për shitjen dhe shpërndarjen e vaksinës amerikane në vend, kishte specifikuar se kishte “marrë lajme nga qendra të shumta imunizimi se substanca të huaja ishin gjetur në shishkat e pahapura” nga tre sasi të ndryshme.
Kompania farmaceutike më vonë deklaroi se bëhej fjalë me shumë mundësi për fragmente të çelikut në shishka për shkak të një gabimi në proceset e paketimit.
Ministria e Shëndetësisë nuk ka përjashtuar marrjen e masave administrative kundër “Takeda”-s, pasi të ketë përfunduar hetimi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje