.png)
Mesi dhe Ronaldo, Ronaldo dhe Mesi. Prej më shumë se 10 vjetësh diskutohet pa ndërprerje se kush është G.O.A.T i futbollit, pra kush është lojtari më i madh i të gjitha kohërave. Ajo që shihet mund të krijojë një ide, por dihet që në sport janë disa faktorë që kontribuojnë për ta bërë një lojtar më të fortë dhe më të dashur se një tjetër.
Profesor Tom Krauford, një matematicien i Universitetit të Oksfordit, nuk ka dyshime: është Kristiano Ronaldo më i madhi i të gjitha kohërave.
Për të dhënë një përgjigje përfundinmtare dhe shkencore, ai ka bërë një listë të 10 lojtarëve më të mirë të të gjitha kohërave, duke marrë në konsideratë 7 faktorë: objektivat e klubit, titujt e fituar, objektivat dhe titujt ndërkombëtarë, “Topin e Artë”, rekordet individuale dhe faktorin “z”, që do të thotë sezone të veçanta produktive, siç është numri më i lartë i golave të shënuar nga Ronaldo në Championsin 2013-2014.
Në një video të publikuar nga “Livescore”, profesori duhet thënë se e ka ngushtuar fushën me lojtarët që kanë fituar të paktën dy “Topa të Artë”. Më pas, për 13 lojtarët e mbetur në garë ai ka aplikuar këta faktorë dhe në bazë të rezultateve, portugezi kryeson me 537 pikë nga 700 të mundshme. Në vend të dytë është Mesi, me 503 pikë.
Who is the greatest player of all time? 🐐
— LiveScore (@livescore) September 7, 2021
University of Oxford mathematician @tomrocksmaths has crunched the numbers to finally end the debate.
Watch the full video on the LiveScore app to find out the true GOAT!
👉: https://t.co/OUZiFBjOY2 pic.twitter.com/1MkFsOUQxN
Një rol të rëndësishëm në këtë studim ka luajtur rekordi i fundit i Kristiano Ronaldos për golat e shënuar me fanellën e kombëtares portugeze (111 gola). Kjo e dhënë e ka ndihmuar shumë që të lërë prapa rivalin e tij historic, Mesin.
Në shkallën e fundit të podit është Pelé, pas tij vjen hungarezi Ferenc Pushkash. Ronaldo “fenomeni” mban vendin e 5-të, pastaj vijnë holandezi Van Basten dhe një tjetër legjendë e Realit, si Alfredo di Stefano. Surprizë është renditja e Maradonës në vend të 9-të, kurse vendin e 10-të e mban Johan Krojf.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje