.png)
Komisioni për Ankesat dhe Sanksionet ka zbutur gjobat e vendosura nga Komisioneri Ilirjan Celibashi ndaj partive politike joparlamentare që nuk dorëzuan në kohë pasqyrat financiare për vitin 2020.
Celibashi gjobit 106 parti, përgjithësisht me 1 milion lek gjobë për tejkalimin e afatit, të përcaktuar si 31 marsi i këtij viti. 20 prej këtyre partive iu drejtuan Komisionit për Ankesa dhe Sanksione me kërkesën për rrëzimin e gjobës.
KAS vendosi vendosi heqjen e sanksionit administrativ ndaj Partisë së Minotitett Etnik Grek për të Ardhmen dhe ndaj Partisë Lëvizja Demokratike e Shqipërisë. Për partitë e tjera u vendos ulja e gjobave në 50 mijë dhe 65 mijë lek.
Gjatë debateve që shoqëruan këtë mbledhje të KAS doli në pah se një pjesë e partive politike të vogla nuk kanë dorëzuar asnjëherë raporte vjetore të pasqyrave të tyre financiare, duke shfrytëzuar paqartësinë ligjore dhe mungesën e një akti për afatet e dorëzimit të tyre nga ana e KQZ-së.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje