.png)
Koreja e Veriut nuk do të lejohet të marrë pjesë në Lojërat Dimërore të Pekinit 2022. Vendimi është bërë i ditur pas mbledhjes së fundit të Ekzekutivit të Komitetit Olimpik Ndërkombëtar nga presidenti i këtij organizmi, Tomas Bah.
Ky është një vendim që vjen për shkak të refuzimit të njëanshëm që Korea e Veriut bëri për Lojërat Olimpike të Tokios. Pezullimi i saj është në fuqi deri në fund të vitit 2022, kështu që përjashtohet edhe nga Olimpiada kineze. Koreja e Veriut do të humbë edhe mbështetjen financiare, prderisa nuk ka kontribuuar në suksesin e Lojërave Olimpike të Tokios.
Për periudhën e pezullimit CIO ka lënë gjithsesi një derë të hapur për sportistët koreanoveriorë, të cilët, nëse kualifikohen për në Pekin, mund të pranohen ashtu siç ndodhi me sportistët rusë në Olimpiadën e Tokios. Nga Lozana bëjnë me dije se gjatë muajve para Lojërave të Tokios, CIO disa herë e siguroi Komitetin Olimpik të Koresë së Veriut se Olimpiada japoneze ishte e sigurt.
Po ashtu, Komiteti Olimpik koreanoverior ishte paralajmëruar për pasojat e refuzimit të Olimpiadës, që është një shkelje e rëndë e një prej detyrimeve themelore të parashikuara në kartën olimpike, kështu që pezullimi ka qenë i pashmangshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje