.png)
Një vorbull ajri që goditi ishullin Pantelleria, në provincën e Trapanit, rajoni i Sicilisë, në Itali, shkaktoi sipas autoriteteve, vdekjen e dy personave dhe plagosjen e nëntë të tjerëve.
Furtuna ka goditur të paktën dhjetë makina me forcë të plotë. Viktimat, të cilët ishin në makinat e tyre, u goditën plotësisht nga vorbulla dhe u përplasën jashtë nga kabina, njëri në një mur dhe tjetri në tokë.
Të plagosurit, katër prej të cilëve janë në gjendje të rëndë, thuhet se janë përfshirë gjithashtu në aksidente rrugore të shkaktuara nga furia e motit të keq.
Punonjësit e shëndetit dhe karabinierët po ndërhyjnë për të normalizuar situatën. Kushtet e motit në ishullin italian po përmirësohen sipas mediave lokale.
Dy personat që vdiqën pas kalimit të tornados, janë banorë të ishullit. Ata janë Giovanni Errera, një zjarrfikës 47-vjeçar në ishull dhe një pensionist 86-vjeçar, Francesco Valenza. Të dy udhëtonin me makinat e tyre, në rrugën që të çonte në liqenin e Venusit, kur u goditën nga vorbulla.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje