.png)
Kryeministri Edi Rama ka marrë pjesë të martën në një darke pune me liderët e Ballkanit Perëndimor dhe kryediplomatin europian, Josep Borell.
Përfaqësuesi i BE raportohet se ka mbledhur liderët e Ballkanit Perëndimor në Nju Jork ku po mbahet edhe Asambleja e Përgjithshme e OKB-së. Në këtë takim ka marrë pjesë edhe presidentja e Kosovës, Vjosa Osmani, si dhe presidentët maqedonas dhe malazez, Stevo Pendarovski dhe Milo Gjukanovic
#WesternBalkans: HR/VP @JosepBorrellF hosted yesterday an informal dinner with Western Balkans leaders in New York, in the margins of the United Nations General Assembly #UNGAhttps://t.co/ZUxNIhTdVz pic.twitter.com/BzNf9gZnlj
— European External Action Service – EEAS 🇪🇺 (@eu_eeas) September 22, 2021
Në një postim në Twitter Borrell thotë se ka organizuar darkën me përfaqësuesit e shteteve të Ballkanit për të diskutuar për situatën në rajon dhe samitin e BE-së për Ballkanin Perëndimor që do të mbahet muajin e ardhshëm.
Megjithatë, në foton e publikuar nga Borrell mungon kryeministrja serbe Ana Brnabic, e cila ndodhet në Nju Jork në Asamblenë e OKB.
“Ky ishte takimi i dytë i tillë i organizuar nga Përfaqësuesi i Lartë, pas darkës joformale në Bruksel në maj. Përfaqësuesi i Lartë dhe udhëheqësit e Ballkanit Perëndimor patën një shkëmbim të hapur mbi situatën në rajon dhe marrëdhëniet BE-Ballkani Perëndimor, gjithashtu në dritën e Samitit të ardhshëm BE-Ballkan Perëndimor muajin e ardhshëm. Ai siguroi një mundësi për të diskutuar pritjet për anëtarësimin në BE. Përfaqësuesi i Lartë nënvizoi nevojën për një angazhim të fortë si nga partnerët e Ballkanit Perëndimor ashtu edhe nga Bashkimi Europian dhe Shtetet Anëtare për të kapërcyer dinamikat aktuale dhe për të çuar procesin përpara”, thuhet në njoftimin e Shërbimit të Jashtëm të BE-së.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje