.png)
Ministria britanike e Mbrojtjes, zbuloi gabimisht emrat, adresat e postës elektronike dhe fotografitë e 250 afganëve që punuan si përkthyes për britanikët në Afganistan para rikthimit të talebanëve në pushtet.
Rrjedhja e të dhënave të ndjeshme, e cila ndodhi përmes një emaili të dërguar gabimisht, tani rrezikon t’i vërë njerëzit në rrezik, shumë prej të cilëve ende nuk kanë arritur të kthehen në Mbretërinë e Bashkuar.
Një email i dërguar gabimisht – Sipas raporteve nga BBC, ekipi përgjegjës për Politikat Afgane të Zhvendosjeve dhe Ndihmës – programi që është përgjegjës për riatdhesimin e personelit që bashkëpunoi me forcat britanike – gabimisht dërgoi adresat e 250 përkthyesve dhe fotografitë e tyre, duke i bërë ato të dukshme për të gjithë.
Emaili i dytë – I pari që vuri re gabimin, ishte njëri prej marrësve, i cili menjëherë e raportoi atë: “Ky gabim mund t’u kushtojë jetën përktyesve, veçanërisht atyre që janë akoma në Afganistan”. Tridhjetë minuta më vonë, Ministria e Mbrojtjes, dërgoi një email të dytë, duke u kërkuar të gjithë marrësve të fshinin mesazhin e mëparshëm dhe rekomandoi përkthyesit të ndryshojnë adresat e tyre të postës elektronike sa më shpejt të jetë e mundur. Tashmë, ekziton rreziku i gjurmimit të emrave të tyre dhe në shumë raste edhe të fotove të profilit të tyre.
Kaos në qeveri – I menjëhershëm ka qenë reagimi i Ministrisë së Mbrojtjes britanike, e cila përveçse kërkoi falje për incidentin me një shënim zyrtar, nisi një hetim përmes sekretarit të saj, Ben Wallace.
Edhe kritikat nga opozita nuk vonuan: në Twitter, deputeti konservator, Johnny Mercer, foli për një “neglizhencë kriminale”, duke drejtuar gishtin tek mungesa e aftësive qeveritare.
Ashtu si ai, përfaqësuesi i Laburistëve, John Healey, theksoi nevojën për të bërë diçka për të siguruar këta njerëz: “Është e drejtë që Sekretari i Mbrojtjes ka kërkuar falje. Por veprimet dhe jo faljet mund të mbrojnë afganët dhe kjo është ajo që ka rëndësi tani”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje