.png)
Ish-Presidenti i Republikës, Bujar Nishani, pritet t’i bashkohet takimit të Sali Berishës të shtunën në Vlorë.
“Nesër pasdite, të shtunën në 18:00, do t’i bashkohem demokratëve të Vlorës në Foltoren e Z. Berisha.
Demokratët e Vlorës që i rezistuan terrorit të 1997, u bënë frymëzuesit e ringritjes së PD në rrugëtimin e saj drejt pushtetit në 2005.
Sot është përsëri dita që Vlora t’ia bëj edhe njëherë “fora” shkruan Nishani.
Ish-Presidenti ishte i pranishëm edhe në takimin e pare që Berisha zhvilloi në Tiranë, ndërsa mungoi në atë të dytin në Fier.
Nishani ka sqaruar prej kohësh se qëllimi i takimeve është që të dëgjohet anëtarësia për vendimet e rëndësishme që merren në parti.
“A duhet që Lulzim Basha t’i respektojë dhe dëgjojë anëtarët dhe strukturat e PD-së? Kaq e thjesht është. Ndaj kësaj gjithsekush ka të drejtën të pozicionohet PRO ose KUNDER”, komentoi ai pak ditë më parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje